Алматы облысы Қаратал ауданы Үштөбе қаласы #13 орта мектебінің мектеп директоры Ш.Ж. Шарипбаева және мектеп әкімшілігі 8 - қыркүйек күні мектепішілік жалпы ата-аналар комитетімен онлайн жиналыс өткізді. Жиналыс барысында өткен оқу жылына талдау жасалып, жаңа оқу жылының міндеттері таныстырылды. Мектепішілік жалпы ата-ана комитеті ретінде бір ауыздан Мустафаева Л.К. сайланды. Жиналысқа қатысушылар мектеп әкімшілігінен барлық қызықтырған сұрақтарына жауап алып, кездесу нәтижелі өтті.

6-қыркүйек күні «Тілдер күні» мен Ахмет Байтұрсынұлының 150 жылдығына орай ұйымдастырылған іс-шара жоспарына сай "Тіл деген алып мұхит түбі терең" атты тәрбие сағаты болып өтті. Мақсаты: Жас ұрпақты ана тілінің қадір - қасиетін түсіне білуге шақыру. Олардың халқына деген, тіліне деген махаббатын арттыру.

Қаратал ауданы, " № 13 орта мектебі жанындағы интернатымен” КММ-сі 3-ші қыркүйек күні 9,10,11 сынып оқушылары арасында тәуелсіздігіміздің 30 жылдығына орай өткізіліп жатқан шаралар барысында "Тәуелсіздік-басты құндылығымыз" тақырыбында қазақстандық диктант жазу ұйымдастырылды.

2021-2022 оқу жылының «1 қыркүйек – Білім күні» іс- шарасы дәстүрлі форматта өткізілді. Мектеп табалдырығын алғаш рет аттаған 1 сынып бүлдіршіндері үшін алғашқы қоңырауға арналған іс-шарада «Әліппе» алғашқы оқулықтары табысталды. Іс-шара барлық санитарлық талаптарды сақтай отырып, мектеп ауласында, таза ауада ұйымдастырылды. 2-11 сынып оқушылары үшін санитарлық талаптарды сақтай отырып, мектеп қабырғасында бекітілген кесте бойынша оқу кабинеттеріне кіргізіліп, сынып сағаттары өткізілді.

Ақпан айында мектебіміздің «Ұшқыр ой» дебат клубы мүшелерімен «Мектепке форма кию қажет пе?» тақырыбында пікірсайыс өтті. Топтар өздеріне берілген уақытты тиімді пайдаланды. Қарсы топ мүшелерін сыйлау, тыңдау арқылы тәртіп жағы қатаң сақталды.